Në një fjalim të mbajtur në Suharekë, Kryeministri i Kosovës, Albin Kurti, theksoi qëndrimin e fortë të qeverisë së tij kundër korrupsionit dhe krimit të organizuar. Kurti deklaroi se në mandatin e ri të qeverisë, do të ketë një Prokurori të re speciale për të luftuar krimin dhe korrupsionin në Kosovë. Ai vuri në dukje se korrupsioni ka shkaktuar dëme të mëdha për interesin publik dhe se qeveria e tij nuk do të tolerojë në asnjë mënyrë abuzuesit dhe shkeljet e ligjit.
“Ne asnjëherë nuk do ta falim korrupsionin dhe dëmin që është shkaktuar interesit të përgjithshëm publik. Pasuria e fituar në mënyrë të paligjshme do të kthehet cep në cep dhe cent në cent në buxhetin e shtetit,” tha Kurti. Ai theksoi se qeveria është e vendosur të ndjekë dhe të konfiskojë të gjitha pasuritë e fituara në mënyrë të paligjshme, duke i kthyer ato në dobi të shtetit dhe të qytetarëve.
Ai theksoi se vetëm nëpërmjet një qasjeje të vendosur dhe të pandashme mund të sigurohet një e ardhme më e mirë për Kosovën.
Fjalimi i Kurtit në Suharekë u prit me brohoritje të forta nga të pranishmit.
