10 gjërat që nuk duhet t’i bëni kurrë gjatë rrufeve
Pavarësisht pamjes së bukur që vetëtimat kanë, ato para së gjithash janë një fenomen i rrezikshëm.
Kjo nuk do të thotë se duhet të bini në panik sa herë që të fillojë të gjëmojë jashtë. Duhet të jeni të vetëdijshëm për rrethanat dhe sigurinë tuaj.
Këto janë 10 gjëra që kurrë nuk duhet të bëni kur bien vetëtima, pavarësisht situatës që ndodheni.
1.Të flisni në linjë telefonike fikse
![](https://www.scan-tv.com/wp-content/uploads/2018/07/telefon-1-300x179.jpg)
Edhe pse është vështirë të gjesh një rrjet fiks telefoni ne ditët e sotme, duhet të mbani mend se është i rrezikshëm një komunikim i tillë gjatë një stuhie.
Nëse ndërtesa juaj është goditur nga një rrufe, rryma elektrike do të përpiqet të gjejë tokën përmes rrugës më të shpejtë të mundshme, e cila do të jetë përmes instalimeve elektrike.
2.Të bëni dush
![](https://www.scan-tv.com/wp-content/uploads/2018/07/dush-300x169.jpg)
Nuk duhet të bëni dush kur ka rrufe që godasin jashtë, pasi rrymat elektrike mund të udhëtojnë nëpër gypat në shtëpinë tuaj, ashtu si telat përmes telefonit tuaj.
3.Të injoroni flokët e elektrizuara
![](https://www.scan-tv.com/wp-content/uploads/2018/07/elektrizim-300x144.jpg)
Pjesa e poshtme e stuhisë është e ngarkuar negativisht dhe për të transferuar energjinë kërkon për gjëra të ngarkuara pozitivisht.
Nëse flokët tuaj fillojnë elektrizohen në fund gjatë rrufeve, kjo është një shenjë se ngarkesa juaj pozitive është duke bashkëvepruar me ngarkesën negative të saj. Nëse vini re se kjo ndodh, qëndroni në ambiente të mbyllura pasi rrezikoni të goditeni nga rrufeja.
4.Të rrini para dritares
![](https://www.scan-tv.com/wp-content/uploads/2018/07/rrufe-300x176.jpg)
Të qëndruarit para dritares nuk do bëjë që t’ju godasë rrufeja, por e vendosni veten në rrezik për t’u goditur nga një grumbull xhami i copëtuar. Qelqi nuk është një dirigjent i mirë i energjisë elektrike, por forca e vetëtimës mund ta shkatërrojë atë..
5.Të lani enët
![](https://www.scan-tv.com/wp-content/uploads/2018/07/enet-300x183.jpg)
Për të njëjtën arsye që nuk duhet të bëni dush, gjithashtu nuk duhet të lani enët. Prekja e një rubineti të elektrizuar mund të ketë pasoja të mëdha, shkruan Scan.
6.Të ngisni një makinë kabriole
![](https://www.scan-tv.com/wp-content/uploads/2018/07/makina-300x156.jpg)
Përfundimisht nuk do doni të jeni në një kabriole kur rrufeja godet. Nëse jeni në një tillë gjatë një stuhie, përpiquni të arrini në një zonë më të sigurt brenda shtëpisë sa më shpejt që të mundeni.
7.Të harroni të merrni një elektrik
![](https://www.scan-tv.com/wp-content/uploads/2018/07/elektrik-300x164.jpg)
Nëse energjia elektrike ndërpritet, do ju duhet një burim drite gjatë natës, prandaj sigurohuni që gjithmonë të keni një elektrik dore
8.Të përdorni laptopin
![](https://www.scan-tv.com/wp-content/uploads/2018/07/laptop-300x180.jpg)
Nëse keni nevojë të përdorni një kompjuter ose një pajisje elektronike gjatë vetëtimave, sigurohuni që mos ta keni në prizë. Energjia elektrike mund të rritet përmes kordonit të rrymës dhe të dëmtojë pajisjen tuaj ose edhe ju!
9.Të qëndroni pranë pemëve
![](https://www.scan-tv.com/wp-content/uploads/2018/07/peme-300x186.jpg)
Qëndrimi pranë një peme në një stuhi është si të kërkosh të goditesh nga rrufeja. Nëse kjo pemë është goditur, rrufeja kalon përmes saj në tokë.
10.Të dalësh në hapësirë
![](https://www.scan-tv.com/wp-content/uploads/2018/07/fushe-300x171.jpg)
Pra, në qoftë se ju nuk mund të qëndroni pranë një peme as jashtë në hapësire, çfarë duhet të bëni?
Nëse e gjeni veten në një situatë të tillë gjatë një stuhie, duhet të uleni poshtë, duke prekur sa më pak tokë të jetë e mundur.