Kuvendi voton projektligjin për koeficientin prej 105 eurosh për paga

Është votuar në parim në Kuvendin e Kosovës ndryshimi në Ligjin për Ndarjet Buxhetore për vitin 2023.

Kësisoj, i është thënë “PO” koeficientit prej 105 eurosh për pagat në sektorin publik.

Ai u miratua me 63 vota për, asnjë kundër e asnjë abstenim.

Pas orës 20:00, Kuvendi do të mblidhet sërish për t’u votuar për të dytën herë, pasi që ministri i Financave, Hekuran Murati, ka thënë se qëllimi është që pagat e muajit shkurt të dalin bazuar në Ligjin për Paga.