![Një vajzë nga Kosova në mesin e të plagosurve në një shkollë në Finlandë Një vajzë nga Kosova në mesin e të plagosurve në një shkollë në Finlandë](https://lajmionline.net/wp-content/uploads/2024/04/finland-vrasesit.jpeg)
Një vajzë nga Kosova në mesin e të plagosurve në një shkollë në Finlandë
Një vajzë shqiptare nga Kosova është një nga dy të plagosurit në shkollën “Viertola” në Finlandë.
Në lidhje me ngjarjen tragjike që ndodhi sot në qytetin Vanta, respektivisht shkollën ‘Viertola’, ku u vra një person dhe dy të tjerë u plagosën, Ministria e Punëve të Jashtme dhe Diasporës nëpërmjet Ambasadës së Republikës së Kosovës në Stokholm ka arritur që të konfirmojë nga familjarët se në mesin e të plagosurve është edhe një vajzë shqiptare nga Kosova.
“Ambasada e Republikës së Kosovës në Stokholm është në kontakt të vazhdueshëm me autoritetet vendase dhe me famijen e vajzës së plagosur dhe ka ofruar ndihmën e saj sipas udhëzimeve të pranuara nga MPJD. Ministria e Punëve të Jashtme dhe Diasporës do t‘ju mbajë të informuar sapo të pranojë dhe konfirmoj informatat e reja që ndërlidhen me këtë ngjarje tragjike”, thuhet në njoftimin e MPJD-së.