Fjalimi i fuqishëm i deputetit Ukrainas në përkrahje të Kosovës në KE! Uron në shqip

Në Strasburg të Francës po vazhdon seanca në Asamblenë Parlamentare të Këshillit të Europës ku do të diskutohet dhe shqyrtohet kërkesa e Kosovës për anëtarësim.

Oleksii Goncharenko, deputet ukrainas mbështeti fuqishëm anëtarësimin e Kosovës në KE.

“Dua të uroj Kosovën. Kosova e meriton. Bota e lirë duhet të bashkohet”, tha ai deputeti Goncharenko, edhe pse vendi prej nga ai vjen akoma nuk e ka njohur pavarësinë e Kosovës.

Goncheranko fuqishëm përkrahu anëtarësimin e Kosovës në Këshillin e Europës duke akuzuar Serbinë se po bënë politikën e Rusisë duke u rreshtuar në boshtin e të keqës. Kosova është një shtet i pavarur dhe duhet të jetë pjesë e botës së lire, tha deputeti Ukrainas, duke përfunduar fjalimin në shqip me fjalët: “Kosova është Europë!”