Kaq është shuma e pensioneve që do t’i marrin familjet e dëshmorëve dhe të zhdukurve të UÇK-së

Ministri i Financave, Hekuran Murati, ka prezantuar skemën e re të pensioneve për familjet e dëshmorëve dhe familjet e të zhdukurve të UÇK-së.

“Përveç rritjes prej 20%, për familjet e dëshmorëve dhe familjet e të zhdukurve të UÇK-së që kanë më shumë se një familjar dëshmor apo të zhdukur, do të ndryshojë edhe formula e llogaritjes për anëtarët tjerë. Nga sa është tash 20% e bazës për anëtarin e dytë, e nga 10% për të tjerët, shtesa do të llogaritet si 50% e bazës për secilin anëtar tjetër dëshmor apo të zhdukur, deri në nivelin e familjes me më shumë se 4 dëshmorë apo të zhdukur të UÇK-së”, ka shkruar ai.