Mediat kroate publikojnë pamje nga tërheqja e autobusit, pjesa e përparme e tij krejtësisht e shtypur
Mediumi kroat Jutarjni ka bërë të ditur se një vinç i madh e ka larguar autobusin që kishte rënë në një kanal e ku vdiqën 12 persona mëngjesin e sotëm.
Sipas këtij mediumi e tërë pjesa e përparme e autobusit që bartte pelegrinë polakë ishte e shtypur transmeton Gazeta Express.
Sipas të dhënave të deritanishme, 12 persona kanë humbur jetën si pasojë e aksidentit dhe dhjetëra të tjerë janë lënduar.
19 nga ta janë të lënduar rëndë kurse 13 të tjerë lehtë.
Në këtë udhëtim, të organizuar nga grupi katolik, Vëllazëria e Shën Jozefit, kanë qenë edhe tre priftërinj dhe gjashtë murgesha.
Ata kanë qenë duke udhëtuar në Megjugorje, ku gjendet një vend i shenjtë katolik në Bosnje-Hercegovinë.
Aksidenti ka ndodhur në orën 05:40 të mëngjesit të së shtunës në verilindje të Zagrebit.
![](https://ballkani.info/wp-content/uploads/2022/08/autobus.jpg)
![](https://ballkani.info/wp-content/uploads/2022/08/bus.jpg)