“Dorëzim total”, Gjinovci ironizon keq me Vuçiqin – ja çka thotë për kërkesat e tij!
Presidenti i Serbisë, Aleksandar Vuçiq, ka prezantuar kërkesat dhe lëvizjet e Serbisë, të ndara në pesë fusha, ku e para është ajo e kthimit të një status quoje, për t’i hequr sipas tij, pasojat kryesore të veprimeve të njëanshme dhe të pakoordinuara të kryeministrit të Kosovë, Albin Kurti.
E ndaj kërkesave të Vucciqit, ka reaguar aktivisti Rron Gjinovci.
Ai përmes një postimi në Facebook këtë e cilësoi si një dorëzim total të presidentit serb.
Madje, Gjinovci përmendi edhe kërcënimet me luftë.
“Dorëzim total i Vuçiqit. Nga kërcënimet me luftë ka dalë te ofrimi i pensioneve për qytetarët serbë në Kosovë”, shkroi ai, përcjelll “Bota sot”.
Po ashtu, Gjinvoci analizoi edhe konferencën e presidentit serb në disa, duke thënë se krejt kjo ishte pjesë e fushatës zgjedhore për Kosovën.
“Konferenca e Vuçiçit në disa pika
– po e shpall Kosovën zonë në mbrojtje sociale për me nda pensione për serbët në Kosovë.
– po hap zyra afër kufinit për me dhanë pensione meqë në Kosovë janë mshelë zyrat paralele.
– po krijon prokurori “speciale” për Kosovën.
– po kërcënon që kush e pranon Kosovën hin 10 vjet në burg.
Konkludim: kjo qenka pjesë e fushatës zgjedhore për Kosovën, i shkreti po mundohet me ia rujtë votat Lista Srpskas 😀, pra duke dhanë pare dhe duke i kërcënu serbët që nuk i ka në kontroll. Lidhur me shpalljen e Kosovës nën okupim tha që nuk bën se e pranon indirekt që konflikti me Kosovën 1998-1999 është konflikt i armatosun ndërkombëtar, sepse sipas definicionit territor i okupum konsiderohet veç territori i okupum në konflikt të armatosun ndërkombëtar, pra ku marrin pjesë dy subjekte të së drejtës ndërkombëtare, e kjo me Kosovën është konflikt i brendshëm simbas tij.
Përmbledhtaz: dorëzim total në realitetin e ri”, shkroi ndër të tjera ai.
Sipas dokumentit, Serbia kërkon:
shpalljen dhe mbajtjen e “zgjedhjeve lokale të lira dhe demokratike” në veriun e Kosovës, me pjesëmarrjen e misionit të Organizatës për Siguri dhe Bashkëpunim në Evropë (OSBE) dhe me mbikëqyrjen e Bashkimit Evropian.
kthimin e serbëve në Drejtorinë Rajonale të Policisë së Kosovës për veriun dhe kthimin e gjyqtarëve dhe prokurorëve serbë në funksionet e tyre gjyqësore.
tërheqjen e forcave speciale të Policisë së Kosovës nga “bazat dhe pikat e kontrollit të ndërtuara në mënyrë të paligjshme” në veriun e Kosovës.
tërheqjen e Policisë nga të gjitha institucionet “të cilat nga viti 1999 deri në mbylljen e paligjshme në vitin 2024 ofronin shërbime vitale publike dhe administrative për qytetarët”.
formimin e Asociacionit të komunave me shumicë serbe
zbatimin e menjëhershëm të “garancive të Bashkimit Evropian dhe Shteteve të Bashkuara nga 28 dhjetori i vitit 2022, dhe lirimin e menjëhershëm të të gjithë të burgosurve politikë” të arrestuar nga Policia e Kosovës, dhe
kryerjen e pagesave me shërbimeve postare me valutën serbë, dinarë.
