E rëndë për familjen Uka në Podujevë: Fëmija 2-vjeçar dërgohet pa shenja jete në QKUK

Një rast i rëndë ka ndodh në familjen Uka nga Podujeva. Fëmija i tyre 2-vjeçar ka ndërruar jetë, për arsye që ende nuk dihen zyrtarisht, shkruan Gazeta Sinjali.

Siç mëson Gazeta Sinjali, rasti ka ndodh dje – dhe fëmija fillimisht është dërguar për trajtim mjekësor në Qendrën Klinike të Mjekësisë Familjare në Podujevë.

Nga aty, mjekët e kanë referuar familjen ta çojë të voglin e tyre në Pediatri në Qendrën Klinike Universitare të Kosovës.

Aty fëmija ka mbërritur pa shenja jetë, siç ka konfimruar edhe Policia.

“Nga QKUK është raportuar se një person ka mbërritur pa shenja jete. Në vendin e ngjarjes janë takuar dhe intervistuar dy persona”.

Me vendim të prokurorit trupi i pajetë është dërguar për obduksion në IML, ndërsa rasti është duke u hetuar./GazetaSinjali