Elon Musk: “SHBA po shkok drejt tiranisë, Trump duhet të fitoj”
Elon Musk, CEO i Tesla dhe SpaceX, ka bërë bujë të madhe në mediat sociale me postimin e tij të fundit lidhur me zgjedhjet në SHBA. Në një deklaratë në platformën X, Musk ka shprehur hapur përkrahjen për Donald Trump, duke shkruar: “Përveç nëse Trump zgjidhet, Amerika do të bjerë në tirani. Trump duhet të fitojë.”
Kjo deklaratë, e bërë më 18 shtator, ka ndezur debat të ashpër në radhët e ndjekësve të tij dhe opinionit publik. Përkrahësit e Trump-it e kanë mirëpritur si një thirrje të fuqishme për të rikthyer ish-presidentin në Shtëpinë e Bardhë, ndërsa kritikët e kanë dënuar këtë qëndrim, duke e quajtur si një përpjekje për të polarizuar më tej klimën politike në vend. Musk, i njohur për komentet e tij të drejtpërdrejta dhe shpeshherë kontroverse, vazhdon të ndikojë fuqishëm në debatet publike, veçanërisht në çështjet politike dhe teknologjike.
Ndërkohë, qëndrimi i tij pro-Trump ka ngritur shqetësime mbi ndikimin që njerëz të pasur dhe me influencë si Musk mund të kenë në zgjedhje, duke shtuar kështu tensionin për garën presidenciale të vitit 2024.
Unless Trump is elected, America will fall to tyranny.
Trump must win. https://t.co/h7XbEQqPwy
— Elon Musk (@elonmusk) September 18, 2024
