FSK po shpëton jetë në Turqi, Kurti: Faleminderit që bëni shtetin tonë krenar
Kryeministri i Kosovës, Albin Kurti ka thënë se me shërbimin në Turqi, Forcat e Armatosura të Kosovës po vazhdojnë ta dëshmojnë veten në rrafshin ndërkombëtar.
Kurti ka thënë se deri tani ekipet e kërkim-shpëtimit të Forcës së Sigurisë së Kosovës kanë shpëtuar 3 qytetarë të mbetur nën rrënoja.
“Forcat tona të armatosura vazhdojnë që ta dëshmojnë vlerën e tyre në skenën ndërkombëtare. Ekipet e kërkim-shpëtimit të FSK-së, që aktualisht operojnë në Turqi, deri tani kanë shpëtuar 3 njerëz të zënë nën rrënoja – përfshirë dy fëmijë. Vazhdoni angazhimin tuaj për shpëtimin e jetëve dhe faleminderit që e bëni shtetin tonë krenar”, ka shkruar Kurti në Twitter.
Our armed forces continue to prove their worth on the int'l stage. The KSF search and rescue team currently operating in Turkey has thus far saved 3 people trapped under the rubble—including two children. Keep up your life-saving work, and thank you for making your country proud! pic.twitter.com/3TcYp1em37
— Albin Kurti (@albinkurti) February 13, 2023