ISW: Ukraina po bën përparime margjinale në Kursk
Ukraina thuhet se po bën “përparime margjinale” në rajonin e Kurskut ndërsa luftimet po vazhdojnë, ka thënë Instituti amerikan për Studimin e Luftës (ISW).
Skynews iu ka sjellë lajme mbi betejat e Ukrainës në lindje të shtetit, por më në veri, inkursioni i Kievit po vazhdon në Rusi.
Më 6 gusht, Ukraina bëri një kundërgoditje të befasishme, ku trupat e tyre kaluan përtej kufirit në Rusi.
Ukraina ka pretenduar më parë se ka kapur 1250 metra katrorë/km (480 milje katrorë) dhe 92 vendbanime në Kursk, duke detyruar dhjetëra mijëra të ikin.
NEW: Ukrainian forces continued to marginally advance in Kursk Oblast on August 19 amid continued fighting throughout the Ukrainian salient in the area.
Kursk Tactical Updates 🧵(1/10) pic.twitter.com/jMQZ0xZi5S
— Institute for the Study of War (@TheStudyofWar) August 20, 2024
Sot, shefi i ushtrisë së Ukrainës tha se forcat kishin avancuar 28-35 km (17-21 milje) në Kursk.
Por, grupi i ekspertëve me bazë në SHBA tha se, ndërsa ende po bënte përparim, Ukraina nuk po hante më territorin rus aq shpejt sa dikur.
Duke përdorur pamjet e gjeolokuara nga 19 gushti, forcat ukrainase u konfirmuan se ishin në Vishnevka, njoftoi ISW, rreth 14 km (8.5 milje) nga kufiri.
Ministria ruse e Mbrojtjes njoftoi se ata kishin goditur forcat që vepronin në atë zonë – duke pranuar potencialisht në heshtje përparimin që kishte bërë Kievi.
Dihet se Ukraina ka vënë në shënjestër ura në rajon, ndoshta si një përpjekje për të mbytur përpjekjet ruse për të kundërshtuar inkursionin e tyre.
Ndryshe, shefi i ushtrisë së Kievit tha se Rusia po lëvizte trupat nga drejtime të tjera në Kursk, për të forcuar pozicionet e saj atje./Telegrafi
