“Kontrabanda me armë”, Musliu publikon pamje: Pse autoambulanca ndalet ku ka huliganë serbë?
Drejtori i Institutit Octopus, Agim Musliu, ka publikuar një video të 6 dhjetorit të vitit 2022, ku shihet një autoambulancë tek ndalet pranë një turme njerëzish në veri të Mitrovicës.
Ai ka shtruar pyetjen se çfarë e shtyn të ndalojë një autoambulancë në mes të rrugës ku janë të mbledhur disa huliganë, derisa ka theksuar se asnjë i sëmurë nuk ka hyrë brenda.
Eksperti i çështjeve të sigurisë ka hedhur këtë video në rrjete sociale pak ditë pas deklaratave të deputetes britanike Alicia Kearns, e cila ka thënë se Serbia kontrabandon armë me autoambulanca drejt kishave ortodokse në Kosovë.
“Një pyetje, besoj retorike, për skeptikët: Pse ndalon një “autoambulancë” me sinjalistikë të urgjencës në mes të rrugës, ku janë të mbledhur disa huliganë?”, shkroi ai.
“Huliganët e hapin derën e “autoamblulancës”, gjersa ajo e ndal sinjalistikën me zë, flasin me dikë brenda, dhe pas pak niset. Nuk shihet asnjë njeri “i sëmurë” që hyn në “autoambulancë”.
Mark #Twain: “If you tell the truth, you don't have to remember anything”@aliciakearns said the truth about #Serbian weapons in #Kosovo, carrying them from #ambulances and hiding weapons in Orthodox #churches! pic.twitter.com/gNVQ6FzGcX
— Agim Musliu (@agim_musliu) July 6, 2023