Mediat amerikane pretendojnë se Irani mund të sulmojë Izraelin në 24 orët e ardhshme

Media amerikane Fox News publikoi informacione nga burime diplomatike për një sulm të mundshëm iranian ndaj Izraelit dhe ata njoftuan se mund të ndodhë në 24 orët e ardhshme.

Sipas korrespondentit rajonal të Fox, Trey Yingst, burimet rajonale thanë se ishin të shqetësuar se Irani dhe përfaqësuesit e tij (Hezbollahu, Huthët, Hamasi dhe aleatët irakianë) mund të nisnin një sulm ndaj Izraelit brenda 24 orëve të ardhshme.

“Zyrtarët në Lindjen e Mesme besojnë se kemi arritur në orën zero”, raporton Yingst.

Me rastin e rritjes së tensionit mes Teheranit dhe Tel Avivit, folën edhe Franca, Gjermania dhe Britania e Madhe, të cilat në një deklaratë të përbashkët për shtyp, i bënë thirrje Izraelit dhe Hamasit të kthehen në tryezën e bisedimeve dhe i bënë thirrje Iranit të përmbahet nga reagimi.

“Ne i bëjmë thirrje veçanërisht Iranit dhe aleatëve të tij që të përmbahen nga sulmet që do të përshkallëzojnë më tej tensionet rajonale dhe do të kërcënojnë mundësinë e një marrëveshjeje për një armëpushim dhe lirimin e pengjeve,” thanë në një deklaratë të përbashkët presidenti francez Emmanuel Macron, kancelari gjerman Olaf Scholz dhe kryeministri britanik Keir Starmer.

Ata gjithashtu theksuan se asnjë vend apo komb nuk mund të përfitojë nga përshkallëzimi i mëtejshëm në Lindjen e Mesme./Ballkani.info