Përfaqësuesi kroat: Kosova është gati për BE-në dhe ne jemi gati për Kosovën
Përfaqësuesi i Kroacisë, Domagoj Hajdukoviq, në Asamblenë e Këshillit të Evropës ka bërë thirrje që Kosova të pranohet si pjesë e familjes evropiane. Ky, ka thënë ai, është hapi drejt një paqeje.
Ai ka theksuar se Kosova është gati për anëtarësim në strukturat evropiane.
“Nxit kolegët që ta mbështesin aplikimin e Kosovës për Këshillin e Evropës, i bëj thirrje Këshillit të Ministrave që ta vënë këtë vendim në asamblenë tonë kështu që të vazhdojmë me pranimin e Kosovës. Mendoj se të gjithë, jo vetëm kosovarët, por të gjithë do të përfitojnë nga një anëtar i ri. Mendoj se Kosova është gati dhe ne jemi gati për Kosovën”, ka thënë ai.
Hajdukoviq është shprehur skeptik për qëndrimin e Serbisë drejt normalizimit të marrëdhënieve, duke u mbështetur, siç tha ai, në përvojat e kaluara me Beogradin.