Reshje shiu në gjithë vendin, temperaturat maksimale bien për disa gradë

Instituti Hidrometeorologjik bën të ditur se sot në Kosovë do të ketë mot të vranët dhe me shi.

IHK njofton se reshjet e shiut të shoqëruara me rrufe parashihen ta përfshijnë gjithë territorin e Republikës.

Temperaturat minimale do të lëvizin ndërmjet 12-15 gradë Celsius, ndërsa maksimalet e ditës parashihen të lëvizin ndërmjet 19-22 gradë Celsius.

Do të fryjë erë kryesisht nga veriperëndimi me shpejtësi 1-8m/s.

Ndërkaq, pas njoftimit se sot gjatë gjithë ditës priten reshje shiu me intensitet të lartë, erëra të dhe shkarkime rrufesh si dhe një ulje e ndjeshme e temperaturave Komuna e Prishtinës ju ka bërë thirrje qytetarëve që të kenë kujdes të shtuar.

Komuna kërkon nga qytetarët që t’i shmangin lëvizjet e panevojshme gjatë periudhave me mot të keq.

“Siguroni objektet e brishta apo të rrezikshme në oborret dhe ballkonet tuaja. Respektoni udhëzimet e autoriteteve për sigurinë dhe shëndetin tuaj”, thuhet tutje.

Gjithashtu, në njoftim thuhet se ekipet e emergjencave të Kryeqytetit dhe zjarrfikësit janë në terren për të siguruar ndihmë të menjëhershme në rast nevoje.

Në rast nevoje  kontaktoni pa pagesë 24/7 në Qendrën Operative Emergjente të #Kryeqytetit në numrat:

080012233

080012244

Dhe në numrat:

193 Zjarrfikësit

192 Policia

194 Shërbimi Mjekësor Emergjent. /Telegrafi