Rusia vazhdon provokimit ndaj luftarakeve amerikane! Aeroplani luftarak rus dëmton përseri dronin amerikan në Siri

Një aeroplan luftarak rus fluturoi pak metra larg një droni amerikan në Siri dhe e dëmtoi pasi e sulmoi me flakë, njoftoi ushtria amerikane.

Incidenti ishte një përpjekje e Rusisë për të rrëzuar dronin MQ-9 Reaper, tha një komandant i lartë i Forcave Ajrore.

Kjo erdhi vetëm një javë pasi një aeroplan luftarak rus fluturoi pranë një aeroplani mbikëqyrës amerikan që bartte një ekuipazh, raporton skynews.

“Një nga flakët ruse goditi MQ-9 të SHBA-së, duke dëmtuar rëndë helikën e saj”, tha në një deklaratë gjeneral-lejtnant, Alex Grynkewich, kreu i Forcave Ajrore të SHBA-së në një deklaratë.

“Ne u bëjmë thirrje forcave ruse në Siri që t’i japin fund këtyre sjelljeve të pamatura, të paprovokuara dhe joprofesionale”, deklaroi ai.

Gjenerali Grynkewich tha se një nga anëtarët e ekuipazhit që drejtonte dronin nga distanca e mbajti atë në ajër dhe e ktheu përsëri në bazën e tij.

Incidenti është i fundit në një seri takimesh midis aeroplanëve luftarakë rusë dhe atyre amerikanë që fluturojnë mbi Siri.