Si t’i mbroni kufijtë tuaj kur njerëzit thjesht ‘nuk marrin vesh’?

Hapi i parë për të mbrojtur kufijtë tuaj nga të tjerët, veçanërisht nga njerëzit që nuk i respektojnë ose nuk i kuptojnë domosdoshmërisht, është t’u përkushtoheni vetë atyre

Kjo mund të duket si vendosja e një qëllimi të zbatueshëm, realist dhe krijimi i një plani se si do ta arrini qëllimin, sipas psikoterapistes Tracy Livecchi.

Nëse nuk e kuptoni vërtet pse po e bëni dhe cilat mund të jenë përfitimet e bërjes së këtij ndryshimi, do të jetë edhe më e vështirë t’ua shpjegoni njerëzve të tjerë. Pasi të jeni përkushtuar, mund të bëni plane për të gjetur njerëzit e duhur dhe më pas të vendosni “ligjin” për kufijtë tuaj.

Njerëzit e respektojnë kur të tjerët vendosin kufij dhe për më tepër, ata ndihen mirë nëse shpjegohet në një mënyrë që nuk e bën personin të ndihet sikur po bën diçka të gabuar, shkruan Well & Good.

Për shembull, nëse keni vendosur që gjatë muajit janar të mos konsumoni as edhe një gotë alkool, mund t’u thoni atyre të mos këmbëngulin më shumë për të bërë të kundërtën.

Cilido qoftë qëllimi juaj, për të mbrojtur kufijtë që keni vendosur, sigurohuni që të komunikoni qartë dhe me dhembshuri me të gjithë.

Si të përgjigjeni kur dikush ju shkel kufijtë

Njerëzit do të bëjnë gabime dhe do të shkelin kufijtë tuaj, ndonjëherë në mënyrë të përsëritur. Është zhgënjyese në praktikë, por është gjithashtu e rëndësishme të mbani mend se shumica e njerëzve nuk po përpiqen të mos ju respektojnë. Kjo vjen nga mungesa e vetëdijes dhe tregon më shumë për ta sesa për ju.

Nëse as kjo nuk funksionon, hapi juaj i ardhshëm për të mbrojtur kufijtë mund të përfshijë një bisedë më të thellë dhe më të detajuar, citon Anabel.

Dhe nëse as kjo nuk sjell ndonjë rezultat, mbase ka ardhur koha të pyesni: A ia vlen të shoqëroheni me dikë që nuk respekton as hapësirat tuaja?

Ndoshta ka ardhur koha të qëndroni pranë njerëzve më pranues dhe mbështetës. /Telegrafi