Skandali serb në mes të Vjenës, thirrje për vrasje të shqiptarëve (Video)

Mbrëmë në Vjenë, qindra tifozë serbë kanë bërë thirrje për vrasje masive të shqiptarëve, raporton Gazeta10.

Kjo ka ndodhur pas humbjes së skuadrës së Serbisë nga Zvicra me rezultatin 3:2, e ku kanë luajtur edhe dy shqiptarët e Kosovës, Xherdan Shaqiri dhe Granit Xhaka, ky i pari edhe kishte shënuar një gol kundër tyre.

“Gjatë trazirave në Vjenë-Ottakring, disa tifozë serbë bënë bujë me gafa verbale dhe thirrje për vrasjen e shqiptarëve”.

Tifozët serbë në lagjen Ottakring të Vjenës kanë bllokuar këtë rrugë dhe kanë hedhur shishe qelqi ndaj policisë.

Për sjelljet e tyre është dashur edhe ndërhyrja e policisë.

“Tifozët serbë gjithashtu u sollën keq në lagjen Ottakring të Vjenës – qindra të rinj bllokuan Ottakringer Strasse dhe hodhën shishe qelqi ndaj oficerëve të policisë. I gjithë trafiku u ndal plotësisht. Pak minuta më vonë, policia ishte në masë të madhe, i rrethoi serbët dhe më në fund i raportoi”, shkruan Heute.de, transmeton Gazeta10.