Sulmohet kryeqyteti i Sirisë, Damaksu! Dyshimet janë se u sulmua nga Izraeli

Shpërthime kanë goditur Damaskun, kryeqytetin sirian, sipas raporteve lokale.

Ka pasur gjithashtu “shtëllunga tymi” të parë nëpër vende të ndryshme në qytet, tha Observatori Sirian për të Drejtat e Njeriut.

Videot, të cilat BBC nuk i ka verifikuar, treguan një re të madhe tymi dhe ndërtesa të shkatërruara.

Kjo vjen mes tensioneve të rritura në Lindjen e Mesme që nga lufta Izrael-Gaza.

Raportohet për viktima në shpërthimin, i cili mësohet të ketë ndodhur në lagjen Mazzeh, në jug-perëndim të Damaskut.

Zona Mazzeh është shtëpia e një aeroporti ushtarak, si dhe selia e OKB-së në Damask, ambasadat dhe restorantet.