Vazhdon hakmarrja serbe ndaj Trajkoviçit! Sot policia ja ndalen vajzën aeroportin e Beogradit

Këshilltarja e ministrit për Komunitete dhe Kthim në Qeverinë e Kosovës, Rada Trajkoviç, ka thënë se vajza e saj është ndaluar në aeroportin e Beogradit nga policia kufitare.

“Vajza ime e cila është shtetase britanike, sapo ka zbritur në aeroportin e Beogradit. Ajo u ndalua nga policia kufitare. Kjo është përtej masës”, ka shkruar Trajkoviç në Twitter.

Ndryshe Trajkoviç, të shtunën është liruar nga spitali në Prokuple ku ishte duke u trajtuar për shkak të përkeqësimit të papritur të shëndetit të saj.

“Mëngjesin e sotëm në orën 06:00 dola nga spitali për mjekim në shtëpi. Faleminderit secilit prej jush që luftuat për mua. Më bëtë më të fortë. Faleminderit të gjithë aktorëve politikë në Kosovë dhe Serbi që me vendosmëri folën për torturën”, kishte shkruar Trajokoviç.

Trajkoviç ka kritikuar regjimin serb i cili e mbajti për orë të tëra në pikë kufitare në Merdarë pa asnjë arsye.

“Ditët e fundit kanë ekspozuar fytyrën e tyre të vërtetë. Maska ‘pro-evropiane’ ka rënë dhe ne të gjithë e dimë tani me kë kemi të bëjmë: njerëz që urrejnë patologjikisht kundërshtarët dhe abuzojnë me ligjin për të shkatërruar këdo që i pengon, qoftë serb, shqiptar, kroat”.