Publikohen pamjet e momentit të shpërthimit të urës që lidh Krimenë me Rusinë
Gjatë mëngjesit së ditës së sotme ka ndodhur një shpërthim masiv në urën kryesore të Krimesë.
Megjithëse raportimet janë kontradiktore se kush e shkaktoi shpërthimin, tashmë kanë nisur të qarkullojnë pamje të reja të shkatërrimit të urës që lidh ishullin me shtetin rus.
Redaktori i portalit të pavarur rus Meduza publikoi në Twitter një video që tregon momentin e shpërthimit në urën e Krimesë.
More videos from some motorists who decided to get awfully close to the roadway that was moments from collapsing into the water. pic.twitter.com/Fr4bqlNWDl
— Kevin Rothrock (@KevinRothrock) October 8, 2022
Kevin Rothrock ka shkruar se presidenti rus, Vladimir Putin ka mbledhur kabinetin qeveritar dhe ka urdhëruar hetime të detajuara.
“Vladimir Putin ka udhëzuar kabinetin që të krijojë një komision qeveritar në lidhje me emergjencën në urën e Krimesë”, ka njoftuar sekretari i tij i shtypit.
Kujtojmë se Putin hapi urën e Krimesë në vitin 2018 pasi Rusia aneksoi Krimenë në vitin 2014, e cila më parë administrohej nga Ukraina.
Në shtator, Rusia njoftoi aneksimin e provincave Donetsk, Luhansk, Kherson dhe Zaporizhzhia pas mbajtjes së referendumeve, të cilat Kievi dhe Perëndimi i konsiderojnë të paligjshme dhe të mbajtura nën kërcënim.
Motorists in Crimea are mobbing gas stations. The Crimean Bridge is major infrastructure for the peninsula under Russian occupation. Today’s fire/explosion affects every single person living in Crimea. pic.twitter.com/CMaDy39oOh
— Kevin Rothrock (@KevinRothrock) October 8, 2022