Gjuajti me bazukë në fushën e lojës, policia kroate arrestoi huliganin
Ka bërë bujë një incizim nga një ndeshje e një lige të ultë kroate, ku shihet një tifoz duke gjuajtur me bazukë në drejtim të fushës e ku ishin lojtarët.
Incizimi është bërë në ndeshjen Plitivica – Sokolac, që u fitua 4:1 nga mysafirët. Në videon e incizuar nga tribuna, shihet një tifoz duke hedhur predhën nga një bazukë e improvizuar. Predha drejtohet kah fusha dhe përfundon duke rënë në afërsi të bankës së lojtarëve. Të tjerë shikues përshëndesin veprimin e rrezikshëm të huliganit.
Mediat kroate kanë njoftuar se pasi videoja u bë virale, huligani në fjalë është identifikuar dhe është arrestuar nga policia. Ai mund të dënohet për rrezikim të jetës së njeriut dhe pronës.
https://twitter.com/HooligansTV_eu/status/1569616462263848961?ref_src=twsrc%5Etfw%7Ctwcamp%5Etweetembed%7Ctwterm%5E1569616462263848961%7Ctwgr%5Ec3808a378b2fe0a148c4a1a86f07ad7ab23462e2%7Ctwcon%5Es1_c10&ref_url=https%3A%2F%2Fwww.koha.net%2Fsport%2F343509%2Fgjuajti-me-bazuke-ne-fushen-e-lojes-policia-kroate-arrestoi-huliganin%2F
