Kryeprokurori i Gjykatës Penale Ndërkombëtare kërkon arrestimin e Netanyahut dhe liderëve të Hamasit

Gjykata Ndërkombëtare Penale po kërkon urdhër-arreste për liderin e Hamasit, Yahya Sinwar dhe kryeministrin izraelit Benjamin Netanyahu, me akuza për krime lufte dhe krime kundër njerëzimit lidhur me sulmin e 7 tetorit në Izrael dhe luftën në Gaza.

Kryeprokurori Karim Khan tha se ICC po kërkon gjithashtu urdhër arresti për ministrin izraelit të mbrojtjes Yoav Gallant, si dhe dy liderë të tjerë të lartë të Hamasit.

Kjo është hera e parë që ICC-ja kërkon urdhër arresti kundër politikanëve izraelitë.

Khan tha se akuzat kundër Sinwar, Haniyeh dhe al-Masri përfshijnë “shfarosjen, vrasjen, pengmarrjen, përdhunimin dhe sulmin seksual”.

Ndërsa, akuzat kundër Netanyahut dhe Gallantit përfshijnë “shkaktimin e shfarosjes, nxitjen e urisë si metodë lufte, duke përfshirë mohimin e furnizimeve me ndihmë humanitare, shënjestrimin e qëllimshëm të civilëve në konflikt”, tha Khan.