Gazetari televiziv australian e ndalon raportimin dhe futet në ujë për të shpëtuar një 10-vjeçar që po mbytej

Sipas mediave të huaja, përcjell Telegrafi, Paul Burt vuri re se fëmija “po luftonte me ujin” gjatë një paraqitje të tij të drejtpërdrejtë të enjten në mbrëmje dhe më pas u pa duke u futur në ujin e rrëmujshëm në Surfers Paradise për ta shpëtuar.

Dhe më vonë ai u pa duke ndihmuar plazhistët e tjerë që ta çonin djalin nga surfimi.

“Ai po jeton, po merr frymë, është i vetëdijshëm, po flet”, citohet të kenë thënë ata.

Gazetari tha se nuk kishte ‘dyshim’ që dhjetëvjeçari do të kishte gëlltitur shumë ujë.

Burt tha se në kohën e incidentit ai po bënte një raportim të drejtpërdrejtë mbi rreziqet që joshin notarët që nuk mendojnë për kërcënimet për jetën.