Reagimi i “shqiponjave” kur e kuptuan se do të përballen me vendin e rrënjëve të tyre, Kosovën
Kombëtarja e Kosovës i mësoi dje kundërshtarët e fazës së grupeve të Kampionatit të ardhshëm Evropian.
Shorti i hedhur në Frankfurt të Gjermanisë i vendosi në të njëjtin grup “Dardanët” me Zvicrën, me të cilën vendi ynë e ka një lidhje speciale.
Kështu, Granit Xhaka e Xherdan Shaqiri, por edhe Andi Zeqiri, do të përballen me vendin e rrënjëve të tyre, një ndeshje e veçantë kjo, e cila nga mediat zvicerane është konsideruar edhe si vëllazërore.
![](https://demokracia.com/wp-content/uploads/2022/10/g.jpg)
Nga ana tjetër, edhe për disa lojtarë të Kosovës, të rritur në tokën Helvetike, kjo lojë do të jetë mjaft speciale.
![](https://demokracia.com/wp-content/uploads/2022/10/sh-2.jpg)
E treshja e Zvicrës e ka bërë nga një postim në Instastory sapo e kuptuan që kanë përfunduar në Grupin I së bashku me Kosovën, krahas Izraelit, Rumanisë, Bjellorusisë dhe Andorrës.
![](https://demokracia.com/wp-content/uploads/2022/10/a-2.jpg)
Më saktësisht, ata nuk komentuan diçka përpos që e publikuan fotografinë e grupit, të cilin synojnë ta fitojnë për ta siguruar kualifikimin në Euro 2024.