Milan Radoiçiq, një biznesmen kontrovers dhe tashmë nënkryetar në largim i Listës Serbe, ka pranuar se ka organizuar sulmin në veri të Kosovës në fshatin Banjska, ku mbetën të vrarë katër persona. Para rrëfimit të tij, Policia e Kosovës ka publikuar një video nga manastiri i Banjskës, në të cilën pretendohet se shihet Radoiçiq dhe e cila është kontestuar nga kreu i shtetit, Aleksandar Vuçiq dhe kreu i diplomacisë serbe, Ivica Daçiq.
Nënkryetarja e partisë opozitare Liri dhe Drejtësi (SSP) Marinika Tepiq pyeti se “çfarë thonë ata” Daçiq dhe Vuçiq që Radoiçiq të marrë fajin për ngjarjet në Banjskë.
Daçiq ka thënë se është tentuar të vërtetohet se Radoiçiq ka kryer aksione në veri të Kosovës, ndërsa ka thënë se në pamjet e policisë së Kosovës shihet bora, transmeton Ballkani.info.
“Këtu po përpiqet të dëshmojë veten dhe të tregojë se ka qenë Milan Radoiçiq apo Zvonko Veselinoviq që i ka kryer këto veprime. Ata më së shumti do të donin ta kishin hasur Mojsiloviqin, sepse kanë nevojë për një lidhje me Beogradin, duan të thonë se dikush po e importon nga jashtë. Në anën tjetër thonë se Vuçiq është organizator, e në anën tjetër ne hoqëm dorë dhe gjithçka e bartëm në Kosovë”, ka deklaruar Daçiq, ndërsa duke komentuar videon në të cilën shihet Milan Radoiçiq ka thënë se “mund të shihni edhe borë”.
Tepiq ka shkruar në rrjetin social Iks (Tëitter) se “Radoiçiq ka pranuar se ka organizuar sulmin në Banjskë. Çfarë thotë Daçiq? Video me Radoiçiqin e montuar, ka parë njeri edhe borë?”. Ajo gjithashtu pyeti se çfarë tha Vuçiq.
“Nëse e ka falënderuar Radoiçiqin në Kuvend për votat, mendoj? Dhe kulmi! Marrja në pyetje e Radoiçiqit do të vendoset nga Zagorka Dolovac!”
Kush është Zagorka Dolovac?
Disa thonë se ajo është “pa cilësi” dhe se nuk ndërhyn në punën e saj, ndërsa të tjerë thonë se është një profesioniste e madhe që mbështet rregullisht kolegët e saj dhe drejton në mënyrë të sigurt anijen – të sistemit të prokurorisë.
Prokurorja publike e Republikës së Serbisë, Zagorka Dolovac mori mandatin e tretë nga Kuvendi i Serbisë më 22 korrik të vitit 2021, ajo u zgjodh për një mandat të tretë gjashtëvjeçar.
Edhe pse ka gati 12 vite në postin më të fuqishëm të prokurores, nuk dihet shumë për të – të paktë janë ata që e njohin personalisht, aq më pak që duan të flasin për të dhe pothuajse të gjithë janë nga drejtësia.
Gjatë karrierës së saj, Dolovac ka punuar në raste të ndryshme të krimit ekonomik dhe klasik, dhe së fundmi shumë e kanë kritikuar atë për heshtje dhe shfaqjen e rrallë në publik. /Ballkani.info
