Luftëtari shqiptar në UFC, Ramiz Brahimaj, ka arritur një fitore spektakolare në ngjarjen UFC 309, duke mundur me nokaut që në raundin e parë kundërshtarin Mickey Gall.
Brahimaj tregoi shpirt gare dhe aftësi të jashtëzakonshme, duke e mundur Gallin në një nga skenat më të mëdha të arteve marciale mikse.
Teksa, këtë performancë për t’u mbajtur mend, ai ia kushtoi babagjyshit të tij, i cili nuk jeton më dhe i emocionuar, Brahimaj, foli në shqip përballë një publiku të gjithë amerikan, duke bërë edhe gjestin e famshëm të shqiponjës me duar.
Brahimaj i vendosi gjithashtu plisin në kokë komentatorit të njohur të UFC, Joe Rogan, ndërkohë që ai e përshëndeti me entuziazëm për këtë fitore të madhe.
Fitorja ka treguar se e ardhmja e Brahimajt në UFC është shumë premtuese.
