Alexander Kassanof, diplomati amerikan “që do ta ndëshkojë Vuçiqin dhe që do t’i japë shuplaka Dodikut”
Aleksander “Sasha” Kassanof është njeriu i zgjedhur për ta pasuar Gabriel Escobarin. “Kasanof njihet si një diplomat i cili ishte i angazhuar kryesisht nga Departamenti i Shtetit në detyra që përfshinin dobësimin e ndikimit rus, ndaj nuk ka dyshim se përfshirja e tij në rajon duhet parë nga ky kënd”, shkruan mediumi serb Nova.
Aleksandar Kassanof, pseudonimi i të cilit është Sasha , pasoi Gabriel Escobar , i cili ka qenë Zëvendës Ndihmës Sekretari i Shtetit dhe Përfaqësues Special për Ballkanin Perëndimor që nga vera e vitit 2021. Mediumi serb shkruan se mandati i Escobar-it do të mbahet mend për marrëveshjen në Bruksel ndërmjet Beogradit dhe Prishtinës dhe Marrëveshjen e Ohrit, e cila duhej të hapte rrugën për normalizimin e marrëdhënieve mes dy palëve. Megjithatë, pas nënshkrimit të marrëveshjes nuk ka pasur zhvillime serioze në dialog.
“Unë jam ende me shpresë, por mandati im ka përfunduar. E di që kjo do të mbetet prioritet për këtë zyrë”, tha Escobar në një nga fjalimet e tij të fundit për mediat në cilësinë e të dërguarit special.
Kush është Aleksander Kassanof?
Gjatë karrierës së tij diplomatike, Alexander Kassanof shërbeu si Asistent Ekzekutiv i ish Nënsekretares për Çështjet Politike Victoria Nuland dhe Ushtruese e detyrës së Nënsekretarit për Çështjet Politike John Bass. Ai është fitues i “Çmimit James Clement Dunn” për ekselencë, për punën e tij si këshilltar politik në Ambasadën e SHBA-së në Kiev gjatë “Revolucionit të Maidan” në 2014, i cili përmbysi Presidentin prorus të Ukrainës Viktor Janukoviç dhe themeloi një qeveri pro-evropiane.
Nikola Jovanoviq, ish-këshilltar i Ministrit të Punëve të Jashtme, tani drejtor i organizatës joqeveritare CLS, beson se detyra e tij do të synojë kryesisht dobësimin e ndikimit rus edhe në Ballkanin Perëndimor.
Në këtë artikull thuhet se Kassnof nuk ka shumë përvojë me rajonin, por se emërimi i tij duhet parë nga këndvështrimi i përfshirjes së tij të mëparshme në Ukrainë.
“Duhet të pritet që ata të vëzhgojnë Ballkanin Perëndimor ekskluzivisht në kontekstin e konfliktit midis Perëndimit dhe Rusisë për Ukrainën”.
Ai punoi për një kohë të gjatë me Victoria Nuland, e cila ende ka ndikim tek ai. Në periudhën e ardhshme duhet të presim presion të vazhdueshëm ndaj Serbisë në lidhje me vendosjen e sanksioneve kundër Rusisë dhe dërgimin e municioneve dhe ndihmave të tjera në Ukrainë, si dhe zgjerimin e listës së sanksioneve për individët dhe kompanitë nga Serbia.
“Për fat të keq, Serbia nuk ka kontakte të thella me elitën e biznesit dhe teknologjisë nga Amerika, kështu që burokratët kanë një ndikim të madh, i cili shpesh është i pafavorshëm për ne”, shkruan Nova.
Nga ana tjetër, Dipomati Nebojsha Vujovic e cilësoi Kasanofin si një “katastrofë moti”.
“Ai është një ndëshkim për Dodikun dhe një shkop për të udhëhequr Vuçiqin. Megjithatë, ai me siguri do ta mbajë atë pozitë deri më 10 janar dhe inaugurimin e Trump, sepse në Amerikë, me ardhjen e Donald Trump si president, të gjithë ambasadorët dhe zyrtarët e administratës do të japin dorëheqje”, thekson Vujovic.
Në Uashington, Kassanof ka mbajtur disa detyra, duke përfshirë drejtorin e Zyrës së Politikave dhe Programeve Globale në Byronë e Trafikimit Ndërkombëtar të Drogës dhe Çështjeve të Zbatimit të Ligjit, drejtor i Zyrës së Çështjeve të Evropës Lindore dhe zëvendësdrejtor i Zyrës së Çështjeve të Kaukazit dhe Konflikti rajonal.
Ai ka punuar në misionet diplomatike amerikane në Irlandë, Turkmenistan, Kili dhe Ukrainë, sipas faqes zyrtare të Departamentit të Shtetit. I dërguari i ri i posaçëm i SHBA flet frëngjisht, italisht, rusisht.
