Ish-komandanti i FSK-së, Kastrati: Serbia po përgatitet për manovër luftarake, Kosova e përgatitur

Ish-komandanti i FSK-së, Kadri Kastrati ka thënë se Serbia po përgatitet për një manovër luftarake ndaj Kosovës dhe se Kosova është e përgatitur për këtë gjë.

Kastrati në një intervistë në Ora News tha se përveç Serbisë edhe Dodik është duke ndërmarrë veprime.

“Me veprimet që është duke ndërmarrë Dodik, me veprimet që është duke ndërmarrë Serbia, me lëvizjet e njësiteve operative të brigadave rreth kufirit të Kosovës, lë të nënkuptohet që Serbia është duke përgatitur për një manovër luftarake. Ne këtu në Kosovë e dimë shumë mirë dhe jemi duke u përgatitur”, tha ai.

Ai shtoi më tutje se Kosova tashmë është shumë me e përgatitur dhe armatosur.

“Ne i presim ata, nëse ata dëshirojnë të hyjnë në luftë ne do ti presim ata dhe do ti japim leksionin qysh ia kemi dhënë në vitin 1998.

Tani jemi shumë më të përgatitur, shumë më të avancuar sa i përket edhe armatimeve edhe ushtrisë së Kosovës”, përfundoi ish-komandanti i FSK-së.