NGA REXHEP TORTE
Sa e fuqishme dhe e lumtur do të ishte sot Kosova, po qe se multi milionat e vjedhur të ishin në arkën e shtetit të Kosovës, e jo në xhepat e milionerëve hajdutë të pasluftës.
Sa e fuqishme dhe e lumtur do të ishte sot Kosova, po të mos vidheshin dhe keqpërdoreshin paratë e 3% dhe të “Vendlindja Thërret”, paratë e fituara me djersën e mërgimtarëve tanë nëpër botë që i dërgonin për UÇK-në nga dashuria dhe malli që ndjenin për Kosovën.
Sa e fuqishme dhe e lumtur do të ishte sot Kosova, po qe se këto para të mos vidheshin nga udhëheqësit e deri sotëm, por të ishin shfrytëzuar për rimëkëmbjen ekonomike, me çka do të hapeshin vende të reja pune duke e ndaluar migrimin, dhe po qe se këto para do të ishin shfrytëzuar për armatosjen e Kosovës aq të nevojshme për ruajtjen e sovranitetit të saj.
Hashim Thaçi, Kadri Veseli, Memli Krasniqi, Vlora Çitaku, e të ngjashëm si këta nga PDK-ja, Isa Mustafa, Avdullah Hoti, Edita Tahiri, Lumir Abdixhiku, e të ngjashëm si këta nga LDK-ja, Ramush Haradinaj, e të ngjashëm si ai, nga AAK-ja, në historinë e re të Kosovës, tashmë shtet i lirë dhe i pavarur, do të mbesin tradhtarët më të mëdhenj të Kosovës.
PDK-ja nuk do të ketë asnjë votë, derisa me mashtrime synon të rikthehet në pushtet, derisa nuk zbardhen dhe dënohen urdhërdhënësit dhe kryerësit nga radhët e saj të vëllavrasjeve për pushtet, të vrasjeve të gazetarëve për fjalën e vërtetë dhe për vjedhjet multi milionëshe.
LDK-ja nuk do të ketë asnjë vote, derisa me mashtime mundohet të rikthehet në pushtet, pa e kthyer frymën rugoviane në LDK, pa insistuar në zbardhjen e vrasjeve të qindra aktivistëve të saj dhe pa u diferencuar nga tradhtarët, hajnat dhe të korruptuarit brenda saj.
AAK-ja nuk do të ketë asnjë votë, derisa me mashtrime mundohet të riktehet në pushtet, pa u distancuar nga Ramush Haradinaj dhe nga të korruptuarit në radhët e saj.
Këtë duhet t’ia përsërisim vetes në çdo çast e çdo ditë, për ta kuptuar të keqen për veten tonë, për fëmijët tanë dhe për brezat që do të vijnë
Këtë duhet t’ia përsërisim vetes, këtë duhet t’ua përsërisim dhe të gjithëve që e duan me zemër Kosovën, për ta luftuar dhe larguar këtë të keqe prej Kosovës.
Këtë duhet t’ia përsërisim vetes pa pushim, sepse Kosova është tokë e bekuar dhe se nuk meriton dhe nuk duron padrejtësi e mashtrim.
Integritetin dhe sovranitetin e Kosovës janë duke e mbrojtur me koshiencë Albin Kurti dhe Qeveria e tij, Presidentjsa Vjosa Osmani dhe Kryeparlamentari Glauk Konjufca.
Opozita e sotme në Kosovë, 22 vite gjersa ishte në pushtet për interesa të ngushta i instaloi vëllavrasjet e kundërshtarëve politikë, vrasjet e gazetarëve për fjalën e vërtetë, e instaloi hajninë dhe korrupsionin multi milionësh.
Opozita e sotme në Kosovë është fajtore për të gjitha të këqijat dhe problemet që po i përjeton sot Kosova, me të cilat po përballet sot Qveveria e Albin Kurtit, Presidentja Vjosa Osmani dhe Kryeparlamentari Glauk Konjufva.
Paturpësia dhe tradhtia më e madhe është se PDK, LDK dhe AAK, të gjitha të zezat dhe dëmet që ia shkaktuan Kosovës brenda në arenën ndërkombëtare, po mundohen ta fajësojnë Albin Kurtin, Vosa Osmanin dhe Glauk Konjufcën.
Kjo është tradhti e madhe dhe ky është mëkat i madh që me siguri do ta paguajë opozita e sotme, qoftë nëpërmjet Gjykatës në Hagë, qoftë nëpërmjet gjykatave të Kosovës, qoftë nga dënimi nga Zoti i Madhërishëm në këtë jetë dhe në jetën e përtejme, kësaj nuk mund t’i shpëtojë askush.
